எம்.வி. நீரிழிவு மற்றும் பேராசிரியர் எம்.விஸ்வநாதன் நீரிழிவு ஆராய்ச்சி மையம் “எம்வி சர்ஜி பூட்” என்பதை வெளியிட்டது

சென்னை, 12 டிசம்பர் 2023: 2023 ஆம் ஆண்டு டிசம்பர் 03 அன்று சர்வதேச மாற்றுத்திறனாளிகள் தினம் கடைபிடிக்கப்படுவதையொட்டி, எம்.வி. நீரிழிவு மற்றும் பேராசிரியர் எம்.விஸ்வநாதன் நீரிழிவு ஆராய்ச்சி மையத்தில் இன்று “எம்வி சர்ஜி பூட்” வெளியீட்டு விழா மாபெரும் நிகழ்ச்சி நடைபெற்றது. எம்வி சர்ஜி பூட் என்பது இந்தியாவில் உள்நாட்டிலேயே உருவாக்கப்பட்ட ஆஃப்லோடிங் சாதனம் ஆகும், இது நீரிழிவு பாதம் உள்ளவர்களுக்கு காயம் குணமடைவதை மேம்படுத்தும் வகையில் செலவு குறைந்த பாதணிகளை வழங்குவதை நோக்கமாக கொண்டது. இந்நிகழ்ச்சியானது பொதுவான பாத பராமரிப்பு மற்றும் நீரிழிவு நோயால் பாதங்களில் ஏற்படும் பிரச்சினைகளை தடுப்பது குறித்த விழிப்புணர்வை பொதுமக்களிடையே ஏற்படுத்துவதற்காக ஏற்பாடு செய்யப்பட்டிருந்தது. இந்த நிகழ்வின் ஒரு பகுதியாக, நீரிழிவு பாத தொற்று அல்லது காயம் உள்ளவர்கள் மீது மேற்கொள்ளப்பட்ட ஆய்வின் முடிவுகளை புகழ்பெற்ற இந்த நிறுவனம் பெருமையுடன் வழங்கியது. இந்த நிகழ்ச்சியில் தலைமை விருந்தினராக சென்னை மருத்துவக் கல்வி இயக்குனரகத்தின் மருத்துவக் கல்வி இயக்குநர் (டிஎம்இ) டாக்டர் ஜே.சங்குமணி கலந்து கொண்டு சிறப்புரையாற்றினார்.

எம்வி சர்ஜி பூட் அறிமுகம் என்பது இந்த நிகழ்வின் முக்கிய சிறப்பம்சமாகும். உலகத் தரத்திலான நீரிழிவு பாத சிகிச்சை மற்றும் காயங்களை விரைவாக குணப்படுத்துவதற்கான நவீன கால் பராமரிப்பு சாதனங்களை மலிவு விலையில் வழங்குவதன் மூலம் சமூகத்திற்கான அவர்களின் அசைக்க முடியாத அர்ப்பணிப்பை இந்த முயற்சி அடிக்கோடிட்டு காட்டுகிறது. இதையொட்டி, நீரிழிவு கால் நோய்த்தொற்றால் பாதிக்கப்பட்ட பலரின் கைகால்களை காப்பாற்ற உதவுகிறது.