சென்னையில் அதிநவீன டெய்கின் அனுபவ மையத்துடன் புதிய பிராந்திய அலுவலகத்தை துவங்கிய டெய்கின் இந்தியா

சென்னை, மே 19, 2025: ஜப்பானின் டெய்கின் இண்டஸ்ட்ரீஸ் லிமிடெட்டின் துணை நிறுவனமும், இந்தியாவின் ஏர் கண்டிஷனிங் துறையில் முன்னணி நிறுவனமான டெய்கின் ஏர்-கண்டிஷனிங் இந்தியா பிரைவேட் லிமிடெட் (DAIPL), இன்று சென்னையின், அரும்பாக்கத்தில் அதன் புதிய பிராந்திய அலுவலகம் மற்றும் அதிநவீன டெய்கின் அனுபவ மையத்தின் பிரமாண்டமான திறப்பு விழாவை நடத்தியது. இந்த விரிவாக்கம் தமிழ்நாடு சந்தையில் டெய்கின் நிறுவனத்தின் தொடர்ச்சியான முதலீட்டில் ஒரு மைல்கல்லாகும்.

திறப்பு விழாவில் பேசிய டெய்கின் இந்தியாவின் தலைவர் மற்றும் நிர்வாக இயக்குநர் திரு. கே.ஜே. ஜாவா கூறுகையில், இந்தியா சிறப்பான பொருளாதார வளர்ச்சி மற்றும் வலுவான வணிக அம்சங்களின் காரணமாக தற்போது தமிழ்நாட்டில் நாங்கள் தீவிரமான சந்தைப்படுத்துதல் உத்திகளை பயன்படுத்தவுள்ளோம். எங்களது விற்பனை மற்றும் சேவை குழுக்களுடன் இணைந்து நம்பகமான விநியோக சங்கிலி மூலம் ஒப்பிடமுடியாத நுகர்வோர் அனுபவத்தை வழங்க நாங்கள் உறுதிபூண்டுள்ளோம், மூன்று தொழிற்சாலைகளுடன், வெப்பமாக்கல், காற்றோட்டம் மற்றும் ஏர் கண்டிஷனிங் துறையில் டெய்கின் குறிப்பிடத்தக்க முன்னேற்றத்தை மேற்கொண்டு வருகிறது. இந்தியாவில் புதுமையான, ஆற்றல் திறன் கொண்ட மற்றும் சுற்றுச்சூழலுக்கு உகந்த ஏர் கண்டிஷனிங் தீர்வுகளுக்கான அதிகரித்து வரும் தேவையை பூர்த்தி செய்ய நாங்கள் தயாராகவுள்ளோம். எங்கள் முதலீடுகள் வெறுமனே திறனை விரிவுபடுத்துவதைத் தாண்டி செயல்பாட்டு சிறப்பை வழங்குதல், மூலோபாய கூட்டாண்மைகளை வளர்ப்பது மற்றும் இந்தியாவின் துடிப்பான தொழில்துறை சுற்றுச்சூழல் அமைப்பிற்கு அர்த்தமுள்ள பங்களிப்பை வழங்குவதை நோக்கமாகக் கொண்ட நீண்டகால தொலைநோக்குப் பார்வையை பிரதிபலிக்கின்றன.”

அவர் மேலும் கூறுகையில், “இந்திய அரசாங்கத்தின் உற்பத்தியுடன் இணைக்கப்பட்ட ஊக்கத் திட்டம், அறை ஏர் கண்டிஷனர் தொழில் முழுவதும் உள்ளூர்மயமாக்கல் முயற்சிகளை விரைவுபடுத்துவதில் முக்கிய பங்கு வகித்துள்ளது. இதன் மூலம் அடுத்த மூன்று முதல் நான்கு ஆண்டுகளில் உள்நாட்டுமயமாக்கல் தோராயமாக 75% அதிகரிக்கும் என்று எதிர்பார்க்கப்படுகிறது. இது நீண்ட கால நிலைத்தன்மையில் கவனம் செலுத்தும் தொழில்துறை நிறுவனங்களுக்கு ஒரு முக்கியமான மைல்கல்லாகும்.” என்று கூறினார்.

டெய்கின் இந்தியாவின் மூத்த துணைத் தலைவர் மற்றும் நிர்வாக இயக்குநரான திரு. சஞ்சய் கோயல் கூறுகையில், புதிய டெய்கின் அனுபவ மையத்தைத் தொடங்குவது, சந்தைப் பங்கை விரிவுபடுத்துவதற்கும் எங்கள் தொழில்துறை தலைமையை வலுப்படுத்துவதற்கும் எங்கள் நோக்கத்துடன் இணைந்த ஒரு மூலோபாய படியாகும்.” என்று கூறினார்.

டெய்கின் இந்தியா சமீபத்தில் ராஜஸ்தானின் நீம்ரானாவில் மூன்றாவது ஆராய்ச்சி மற்றும் மேம்பாட்டு மையத்தைத் துவங்கியுள்ளது. 24,000 சதுர மீட்டர் (6 ஏக்கர்) பரப்பளவில் அமைந்துள்ள இந்த அதிநவீன வசதி, இந்திய மற்றும் உலகளாவிய நுகர்வோருக்கான வளர்ந்து வரும் எரிசக்தி தரநிலைகள், மேம்பட்ட தொழில்நுட்பங்கள் மற்றும் சுற்றுச்சூழலுக்கு உகந்த ஏர் கண்டிஷனிங் மற்றும் குளிர்பதன தயாரிப்புகளின் ஆராய்ச்சி மற்றும் மேம்பாட்டில் கவனம் செலுத்த 500 க்கும் மேற்பட்ட பொறியாளர்களைப் பணியமர்த்தவுள்ளது. புதிய ஆராய்ச்சி மற்றும் மேம்பாட்டு மையத்தில் வெப்பமாக்கல், காற்றோட்டம், ஏர் கண்டிஷனிங் மற்றும் குளிர்பதன தீர்வுகளை உருவாக்க பொருத்தப்பட்ட 22 மேம்பட்ட சோதனை ஆய்வகங்கள் உள்ளன. மொத்தம் 500 கோடி ரூபாய் முதலீட்டில் நிறுவப்பட்ட இந்த வசதி, டைகினின் இந்தியாவில் மூன்றாவது மேம்பாட்டு மையமாகும், இது நீம்ரானாவில் உள்ள அதன் தற்போதைய இயந்திர ஆராய்ச்சி மற்றும் மேம்பாட்டு மையம் மற்றும் ஹைதராபாத்தில் உள்ள அதன் செயற்கை நுண்ணறிவு ஆய்வகத்துடன் இணைந்து பணியாற்றுகிறது.

டெய்கின் ஏர் கண்டிஷனிங் இந்தியா பிரைவேட் லிமிடெட் பற்றி:

டெய்கின் ஏர் கண்டிஷனிங் இந்தியா பிரைவேட் லிமிடெட் (DAIPL) என்பது ஜப்பானின் டெய்கின் இண்டஸ்ட்ரீஸ் லிமிடெட்டின் 100% துணை நிறுவனமாகும், இது வணிக-பயன்பாடு மற்றும் குடியிருப்பு ஏர் கண்டிஷனிங் அமைப்புகளின் உற்பத்தியில் முன்னணியில் உள்ளது. உயர்ந்த தொழில்நுட்ப உதவியுடன் இந்திய வாடிக்கையாளர்களுக்கு பரந்த அளவிலான ஆற்றல் திறன் கொண்ட ஏர் கண்டிஷனிங் தீர்வுகளை இந்நிறுவனம் வழங்குகிறது. எதிர்காலத்தில் இந்தியாவின் ஏர் கண்டிஷனிங் சந்தையில் வலுவான வளர்ச்சி எதிர்பார்க்கப்படுகிறது, மேலும் டெய்கின் குடியிருப்பு மற்றும் பெரிய அளவிலான திட்டங்களில் அதன் சந்தைப் பங்கை மேலும் அதிகரிக்க விரும்புகிறது.