குழந்தைகள் சாதனைக்கு தவெக மரியாதை – வெற்றி பெற்ற மாணவர்களுக்கு பரிசுத்தொகை!
தமிழர் பாரம்பரிய கலைகளுக்கு தொடர்ந்து முக்கியத்துவம் அளித்து வரும் தமிழக வெற்றிக் கழகம் சார்பில், குழந்தைகளின் திறமைகளை ஊக்குவிக்கும் நிகழ்வு ஒன்று சென்னையில் நடைபெற்றது.
குரோம்பேட்டை பச்சைமலை விளையாட்டுத் திடலில், தமிழ்க்குடிமகன் தலைமையில் “புதிய விதைகள் இயக்கம்” மூலம் குழந்தைகளுக்கு இலவசமாக சிலம்பாட்ட பயிற்சிகள் வழங்கப்பட்டு வருகின்றன. இந்த பயிற்சியின் மூலம் உருவான மாணவர்கள் சமீபத்தில் டெல்லியில் நடைபெற்ற தேசிய அளவிலான சிலம்பாட்டப் போட்டிகளில் கலந்துகொண்டு தமிழ்நாட்டிற்கு பெருமை சேர்த்துள்ளனர்.