ராஜவேல் கிருஷ்ணா இயக்கத்தில் சர்வதேச அளவில் 30க்கும் மேற்பட்ட விருதுகளை வென்று அடுத்த மாதம் திரைக்கு வரவிருக்கும் ” தூவள் ” படத்தின் தயாரிப்பு நிறுவனமான SIEGER PICTURES பட நிறுவனம் சார்பில் கமலகுமாரி, ராஜ்குமார். N ஆகியோர் தங்களது இரண்டாவது படைப்பாக அதே இயக்குனர் ராஜவேல் கிருஷ்ணாவை வைத்து உருவாக்கும் படத்திற்கு ” Extreme ” ( எக்ஸ்டிரீம் ) என்று ஹாலிவுட் தரத்தில் பெயரிட்டுள்ளனர்.
இந்த படத்தில் சரவணன் மீனாட்சி தொடர் மற்றும் பிக்பாஸ் 6 வது சீசன் மூலம் பிரபலமான ரக்ஷிதா மஹாலஷ்மி மற்றும் சமீபத்தில் பிரபல ஓடிடி தளத்தில் வெளியாகி வெற்றி பெற்ற அயலி படத்தின் மூலம் பிரபலமான அபி நட்சத்ரா , நேரம் படத்தை தொடர்ந்து ரெஜினா படங்கள் உட்பட சிறந்த படைப்புகளில் நடித்துவரும் ஆனந்த் நாக், ஹிந்தி மற்றும் தெலுங்கில் பல படங்களில் நடித்ததோடு தற்போது தமிழில் சிக்லெட் படத்தில் நாயகியாக நடித்த அம்ரிதா ஷெல்டர்,ஆகியோர் முக்கிய கதாபாத்திரத்தில் நடிக்கிறார்கள்.
மற்றும் இவர்களுடன் ராஜ்குமார், சிவம் ஆகியோரும் நடிக்கிறார்கள்.
ஒளிப்பதிவு : D.J. பாலா
சந்தானம் நடித்த பிஸ்கோத், காசேதான் கடவுளடா போன்ற படங்களுக்கு இசையமைத்த ராஜ் பிரதாப் இந்த படத்திற்கும் இசையமைக்கிறார்.
ராமராஜன் நடிப்பில் உருவாகி விரைவில் வெளிவரவிருக்கும் சாமானியன் படத்திற்கு எடிட்டிங் செய்த ராம் கோபி இந்த படத்திற்கு எடிட்டிங் செய்கிறார்.
டம்ளர் குத்து பாடலுக்கு நடனம் அமைத்த சிவ்ராக் சங்கர் நடனம் அமைக்கிறார்.
சண்டை பயிற்சியை சிவம் மேற்கொள்கிறார்.
மக்கள் தொடர்பு : மணவை புவன்
தயாரிப்பு நிறுவனம் : SIEGER PICTURES
தயாரிப்பாளர்கள் : கமலகுமாரி, ராஜ்குமார். N
கதை, திரைக்கதை, வசனம் எழுதி இயக்குகிறார் – ராஜவேல் கிருஷ்ணா.
இவரது முதல் படமான ” பிழை “சென்னை திடைப்பட விழாவில் திரையிடப்பட்டது குறிப்பிடத்தக்கது.
படம் பற்றி இயக்குனர் கூறியதாவது..
இது ஒரு சஸ்பென்ஸ் கிரைம் திரில்லர் படம்.
Xtreme என்றால் உச்சக்கட்டம், தீவிரம், அளவுக்கு அதிகம்னு சொல்லுவோம்.
எல்லாத்துக்கும் ஒரு லிமிட் இருக்கு. ஆனால் அதை மீறும்போது நடக்குற விளைவுதான் இந்த படத்தின் கதை.
Human அப்படின்றதே சுய கட்டுப்பாட்டோடு இருப்பதுதான். அதை மீறும்போது மிருகமாக மாறிவிடுகிறோம்.
சுய கட்டுப்பாட்டோட இருக்கிறவங்களையும், சில பெண்கள் சுதந்திரம் என்ற பெயரில் பன்னுகிற சில சம்பவங்களால் பாதிக்கப்படுவதும் ஒரு பெண்தான், அதற்கு தீர்வு சொல்லுவதும் ஒரு பெண்தான் என்பதை மையமாக வைத்து திரைக்கதை அமைத்திருக்கிறோம்.
இந்த கருத்து பெண்களுக்கு எதிரானதாக இருப்பதாக கூறி நிறைய பேர் நடிக்க மறுத்து விட்டனர்.
ஆனால் பெண் குழந்தைகளை பெற்ற எல்லா பெற்றோர்களும் கண்டிப்பா Accept பன்னுவாங்க அப்படியொரு முக்கியமான கருத்தை அனைவருக்கும் சொல்லவிருக்கிறோம் என்றார் இயக்குனர் ராஜவேல் கிருஷ்ணா.
இந்த படத்தின் துவக்க விழா இன்று சென்னையில் நடைபெற்றது.