இந்தியாவின் முன்னணி டிஜிட்டல் தயாரிப்பு நிறுவனங்களில் ஒன்றான A TELEFACTORY, தனது சமீபத்திய வலைத் தொடரான “Heartbeat Season 2” மூலம் ஜியோ ஹாட்ஸ்டார் தளத்தில் புதிய சாதனைகளை படைத்துள்ளது. பார்வையாளர்களும் விமர்சகர்களும் வழங்கிய பாராட்டுகளால், இந்த இரண்டாம் சீசன் கதையின் ஆழம், உணர்ச்சி பூர்வ வெளிப்பாடு, மற்றும் காட்சித் தரத்தில் முதல் சீசனை விட மேலும் உயர்ந்த அனுபவத்தை வழங்குகிறது.
இத்தொடர் வெளியானதிலிருந்து “Heartbeat Season 2” பல்வேறு தளங்களில் டிரெண்டாகி வருகிறது. நவீன உறவுகளின் உண்மையான பிரதிபலிப்பு, திறமையான நடிப்பு, மற்றும் உன்னதமான தயாரிப்பு தரத்திற்காக பெரிதும் பாராட்டப்படுகிறது. இதன் மூலம் A TELEFACTORY, இந்தியாவின் நம்பகமான மற்றும் படைப்பாற்றல்மிக்க நிறுவனங்களில் ஒன்றாக தன் நிலைப்பாட்டை மேலும் உறுதிப்படுத்தியுள்ளது.
A TELEFACTORY நிறுவனத்தின் நிறுவனர் மற்றும் தயாரிப்பாளர் திரு. ராஜ வேலு கூறியதாவது,
“‘Heartbeat’க்கு கிடைத்த அன்பும் பாராட்டும் எங்களை மனமார்ந்த நன்றி உணர்வில் ஆழ்த்தியுள்ளது. இரண்டாம் சீசன் மூலம் கதையை இன்னும் உணர்ச்சியுடனும், நிஜத்தோடும், தீவிரத்துடனும் சொல்ல முயற்சி செய்துள்ளோம்,” என்றார்.
இணை தயாரிப்பாளர் மற்றும் கிரியேட்டிவ் ஹெட் திருமதி பத்மினி ராஜ வேலு கூறியதாவது,
“‘Heartbeat Season 2’ நவீன உறவுகளின் இதயத் துடிப்பை உண்மையாய் பதிவு செய்கிறது. அதில் காதலும், உணர்ச்சியும், மறக்க முடியாத அனுபவங்களும் நிரம்பியுள்ளன. பார்வையாளர்களின் இத்தகைய அன்பும் ஆதரவும், எங்களை இன்னும் சிறந்த கதைகளை உருவாக்கத் தூண்டுகிறது.”
தயாரிப்பாளர்கள் இருவரும், இந்த வெற்றிக்காக படைப்புக் குழுவினருக்கும், தொழில்நுட்பக் குழுவினருக்கும், ஊடகங்களுக்கும், சமூக வலைதளப் பிரபலங்களுக்கும், மற்றும் பார்வையாளர்களுக்கும் தங்களின் இதயப்பூர்வ நன்றியை தெரிவித்தனர். மேலும், ஜியோ ஹாட்ஸ்டார் குழுவின் கிருஷ்ணன் குட்டி, பாலசந்திரன், மற்றும் பிரதீப் ஆகியோருக்கு அவர்களின் நம்பிக்கை, வழிகாட்டுதல், மற்றும் தொடர்ந்த ஆதரவுக்காக சிறப்பு நன்றியை தெரிவித்தனர்.
2016-இல், திரு. ராஜ வேலு மற்றும் திருமதி பத்மினி ராஜ வேலு ஆகியோரால் தொடங்கப்பட்ட A TELEFACTORY, தரமான கதை, கண்ணை கவரும் காட்சிகள், மற்றும் புதுமையான வடிவமைப்பில் சிறந்து விளங்கும் முன்னணி இந்திய தயாரிப்பு நிறுவனம் ஆகும். தொலைக்காட்சி தொடர்கள், நிஜ வாழ்வுத் தொடர்கள், வலைத் தொடர்கள் மற்றும் விளம்பரங்கள் என பல்வேறு தளங்களில் வெற்றிகரமான படைப்புகளை வழங்கி வருகிறது.
சின்ன தம்பி, சிவா மனசுல சக்தி, காற்றின் மொழி, வேலைக்காரன், ஈரமான ரோஜாவே (பாகம் 2), ஆஹா கல்யாணம், சிந்து பைரவி போன்ற பிரபல தொலைக்காட்சி தொடர்கள் மூலம் தமிழ் சிறிய திரையுலகில் நம்பகமான இடத்தைப் பெற்றுள்ளது. இதனுடன் Heartbeat Seasons 1 & 2 போன்ற டிஜிட்டல் வெற்றிகளும், விரைவில் வெளியாகவுள்ள ஜியோ ஹாட்ஸ்டார் வலைத் தொடரும், A TELEFACTORY நிறுவனத்தின் படைப்பாற்றல்மிக்க வளர்ச்சியை வெளிப்படுத்துகிறது.
இந்தியாவின் அனைத்து மொழிகளிலும் வலுவான, உணர்ச்சியூட்டும், உண்மையான கதைகள் சொல்லி, மக்களின் இதயங்களை இணைப்பதே இந்த நிறுவனத்தின் நோக்கமாகும்.